هل يسقط الاحترام؟؟؟ فليسقط!!!!

كتيييييير اوي من اهلنا بيتباهوا بأخلاق اولادهم وتربيتهم قبل مايتباهوا بيهم في التعليم وخلافه...ودايما الام تعلم اولادها انهم مايردوش علي اللي اكبر منهم ولا يناقشوووه في أوامره...حتي لو غلط فيك...تفضل محترم لأنه اكبر منك وعارف اكتر منك


||
||
||
||
||
||
||
||
||


علي عيننا وعلي راسنا من فوق





لكن>>>>>>>>>>>>>>>>>



لما الواحد يضيع حقه لمجرد انه متمسك باحترامه للي أكبر منه يبقي ايه الوضع؟؟؟



لما الواحد يحس ان كرامته اتهدرت قدام اصحابه مثلا لمجرد أنه متقبل لنقض الأكبر سننا ودون التعقيب عليه.....ما العمل؟؟؟



لما احس اني مختلفه مع الاكبر مني في موضوع وهو غير متقبل للنقاش نهائيا ومع ذلك تربيتي واخلاقي تحتم عليا اني اسمع واتقبل كلامه بل وانفذه في حاله كونه ابا او قريبا....واضع اعصابي في تلاجه كريازي 14 قدم......ها؟؟








لسه مش مستوعبين؟؟؟؟؟ طب هحكي موقف شخص ....انا وصاحبتي قاعدين عندي في البيت علي الكمبيوتر....وصاحبه والدتي قاعده معاها في الاوضه التانيه......لقيناه فجأه داخله علينا..قمنا طبعا سلمنا واهلا بحضرتك وازيك واهرامك واخبارك.... قالتلنا انا عايزه اقولكم علي نصيحه كده عشان خايفه عليكم يا بنات... اطمنيت وقلت اهي نصيحه تنفعنا ونستفيد بيها....قالت فجأه وبدون اي مقدمات..." الكمبيوتر ده مفسده للبني ادم وخصوصا البنات هو والانترنت...وبلاويه كتيره ومحدش يعرف يوقفها....واللي عايز ربنا يصلح حاله ويهديه لازم يبعد عن طريق النت ده....



س: ما هو رد الفعل المتوقع مننا تجاه ذلك؟؟



ج:حاضر يا تنط بس احنا الحمد لله مراعيين ربنا في اللي بنعمله ومش بنعمل حاجه حرام ولا غلط..


تنط: يا بنتي اسمعي الكلام انت وهي انا اكبر منكم وعارفه وفاهمه الدنيا دي ماشيه ازاي...اسمعوا الكلام بدل ماتندموا بعد ماتكبروا



س2:ماهو رد الفعل اللازم ذكره حيال ذات نفس الموقف؟




<H2>
حاضر ياتنط كلامك صح ...وكل واحده مننا طبعا من جواها عايزه تفتح بقه وتتكلم لكن ازاي...اصلنا محترمييييين ومينفعش نرد علي اللي اكبر مننا....


وبعدين الست راحت تكمل حوارها مع والدتي
وانا وصاحبتي حاطين ايدينا علي بوقينا وساكتين ليه؟؟؟ ...عشان احنا "محترمين"

ياتري الموضوع انتهي علي كده؟؟؟؟

لاء...وهي نازله لقتنا لسه قاعدين عالكمبيوتر...زعقت فينا وقال يبنتي انت وهي انتوا مابتسمعوش الكلام؟؟؟ انا مش قايللكم ان الزفت ده مش كويس عشانكم...اتقوا الله بقي في اللي بتعملوه...ربنا شاهد عليكم



ياتري اعمل ايه؟؟؟


ارد؟؟؟


لاء انا محترمه



اناقش واعترض؟؟؟



لاء لاء انا برضه محترمه





النتيجه


حرقه دم واعصاب وبرضو في النهايه غلطانه من وجهه نظر الكبير



وعشان ترصيه
عادي ...المهم انك محترم وانك سمعت الكلام









ياتري في المواقف اللي زي دي


يظل الاحترام؟؟؟






ام يسقط الاحترام؟؟؟









وياريت مانحاولش نحصر المشكله في كونها للأب والام فقط ..انا بتكلم عن الاكبر سننا عموم


والمشاكل دي بتحصل ف اشكال كتير اوي ياري تشاركوني رايكم

مع تحياات :نانا الجامدا













</H2>

اولا ميرسي يا عسل على اهتمامك
وانا بايدك في رايك بس اللي انا عايزه اوصلو مش اني اسكت هوا دا الاحترام
لكن عايزه اقول ان كتير من اللي اكبر ممنا في السن ما بيقدروش المناقشه لمجرد ان عندهم
خبره عننا وان كلامهم صح مهما كان وانا لو رديت حتا لو بادب هيتقال عليا بجادل وكلام تاني
حصل كتير بس للاسف مفيش فايده

بس انتي نورتي التوبيك ميرسي

نانا

ميرسي يا عسل على اهتمامك بس ياريت تديني رايك

نانا

بجد التوبيك هايل جدا وشد اهتمامي اوي لاني اتعرضت لموقف مشابه للموقف بتاعك شوية بس انا كانت ردت فعلي حاجة تانية
انا بابا وماما ربوني اني طول ما انا مش بعمل حاجة غلط خلاص مش اخاف واواجه اي حاجة سوا مع الكبير او الصغير
وانا بقى كانت ردت فعلي بكل ادب واحترام لو كنت في موقفك ماشي يا طنط انتي شايفة ان الكمبيوتر ده وحش احب اعرف وجهة نظر حضرتك واسمع وجهة نظرها كاملة ومهما كانت اقولها انا محترمها ومقدراها كتير وابدا بطريقة بسيطة اني اقول وجهة نظري واحاول اني اقنعها ولو انا صح لازم هعرف اقنعها بس اني انا اسكت وتروح تقول كدا لغيري وبردو غيري يسكت عشان احنا مؤدبين يبقى كدا احنا كلنا ساعدنا اننا نمحي التكنولوجيا من حياتنا ونعيش بقى عاملين زي الي ماشيين بدماغ غيرنا وحينا دماغنا الي ربنا كرم كل انسان بيها

اما بالنسبة انك بتقولي انها مش كل الناس بيتقبل النقاش انا برد عليكي وبقول اي حد في العالم ممكن يحرج الي قدامه بكلامه المحترم والمؤدب ويخليه يحس انه غلط بل في ناس كتير من كتر ما كلام الي قدامها مقنع وبتتكلم بمنطق العقل من الشهوات وانها عايزة تعمل بس كدا عشان تكون كول او غيرها بتخلي الي قدامها يعتذر عن الفكرة الي كان واخدها عن الحاجة ديه

وديه وجهة نظري وانا عارفة اني رغيت كتير بس ياريت تكون افدتك