اغنيه وطنيه رائعه ومؤثره اخر حاجه

من طرف nana algamda السبت مارس 21, 2009 2:39 pm

كلمات الأغنية
الحدود

واحنا فايتين عالحدود .. مستمرين في الصعود
إختفى النيل الجميل من تحتنا ..والمدن..والريح ..وأول عمرنا
وابتدى شيء ينجرح جوّه الوجود..وابتدينا أسئلة مالهاش ردود
ملنا عالشباك نخبي دمعه فرّت منّنا
=====
بصّه من الشباك على البحر البعيد
واحنا رايحين بالأمل عالم جديد
كنت فاكره يا مصر إني تعبت منك
واكتشفت إني محال أستغنى عنك
حتى دوشة صوت جيراني
والزحام وحشوني تاني
بسمه حلوه لطفله لسّه صغيّره
لمّا كنت أدّيها حتّة سكّره
قبل مانسيبك وحشتينا يا مصر يا أمنا
=====
كنت بتذكّر وانا في غاية الأسى
لعبنا الكوره في حوش المدرسه
والشقاوه واحنا لسّه صغيّرين
والبراءه والصحاب الطيّبين
لمّا سألتني اللي جنبي
إنت مصري دق قلبي
إسمي زي السحر رفرف عالمكان
زي نسمه مهفهفه بصوت الأدان
أيوه مصريين لآخر كل نقطه في دمّنا
=====
من وجوه من تلج وعيون من إزاز
شوقي زاد للعشره والناس العزاز
وابتديت أكتب وانا فوق السحاب
إبتديت يا حبيبي في أوّل جواب
مصر إنتي حتّه منّي
مش مجرّد إسم وطني
قالوا فاضل نص ساعه عالوصول
قلت أيه معنى الساعات ولّا الفصول
إلّا في الأرض اللي فيها ذكرياتنا وحبنا

اي خدمه... Rolling Eyes